0 يوم مع الزهراوات

السلام عليكم ورحمة الله وبركاته

كل عام وانتم الى الله اقرب وعلى طاعته اوم

يوم عرفه وما ادراك ما يوم عرفه

كان يوم جميل قوي وكنت مرتبه قبله بيوم واحد

ودا كان صعب شويه لان كان في عوائق كتير

هحكيلكم عليها

يوم للزهراوات الصغيرات

البدايه

الفكره طقت فدماغي يوم الاربعاء ليلا

لاني كنت غايبه من الامتحان ودماغي رااااايق ع الاخر

قلت لابي عايزه اعزم البنات ع الفطار بكره يا ابي

قال بترحيب كبير ماشي اتفضلي 

عايزه افطار ايه

قلتله عادي اماه تعملنا اي اكل حتى لو فول وطعميه

قال اوك اتفضلي

اتفق هوا وماما هيعملوا اكل ايه

وانا بدوري اتصلت ع خالتو وقلتلها عايزه البنات

واتصلت هيا 

الموضوع تم بسرعه

وانا قمت حضرت الادوات عشان الورشه

واشتريت شوية حاجات زي لوحات والوان وقص ولزق

والكلام دا

ورجعت حضرت الموضوع اللي هنتكلم فيه

وهوا

احكام عيد الاضحى

وكانت كالاتي

التكبير:
يشرع التكبير من فجر يوم عرفة إلى عصر آخر أيام التشريق وهو الثالث عشر من شهر ذي الحجة، قال - تعالى -: ((واذكروا الله في أيام معدودات)). وصفته أن تقول: (الله أكبر الله أكبر، لا إله إلا الله، والله أكبر الله أكبر ولله الحمد) و جهر الرجال به في المساجد والأسواق والبيوت وأدبار الصلوات، إعلاناً بتعظيم الله وإظهاراً لعبادته وشكره.

ذبح الأضحية:
ويكون ذلك بعد صلاة العيد لقول رسول الله صلى عليه وسلم:"من ذبح قبل أن يصلي فليعد مكانها أخرى، ومن لم يذبح فليذبح"رواه البخاري ومسلم،. ووقت الذبح أربعة أيام، يوم النحر وثلاثة أيام التشريق، لما ثبت عن النبي - صلى الله عليه وسلم - أنه قال:"كل أيام التشريق ذبح". انظر: السلسلة الصحيحة برقم 2476.

الاغتسال والتطيب للرجال:
ولبس أحسن الثياب بدون إسراف ولا إسبال ولا حلق لحية فهذا حرام، أما المرأة فيشرع لها الخروج إلى مصلى العيد بدون تبرج ولا تطيب، فلا يصح أن تذهب لطاعة الله والصلاة ثم تعصي الله بالتبرج والسفور والتطيب أمام الرجال.

الأكل من الأضحية:
كان رسول الله - صلى الله عليه وسلم - لا يطعم حتى يرجع من المصلى فيأكل من أضحيته. زاد المعاد 1/ 441.

الذهاب إلى مصلى العيد ما شياً أن تيسر:
والسنة الصلاة في مصلى العيد إلا إذا كان هناك عذر من مطر مثلاً فيصلى في المسجد لفعل الرسول - صلى الله عليه وسلم - .

الصلاة مع المسلمين واستحباب حضور الخطبة: والذي رجحه المحققون من العلماء مثل شيخ الإسلام ابن تيمية أن صلاة العيد واجبة لقوله - تعالى -: ((فصل لربك وانحر)) ولا تسقط إلا بعذر، والنساء يشهدن العيد مع المسلمين حتى الحيَّض والعواتق، وتعتزل الحيَّض المصلى.

مخالفة الطريق:
يستحب لك أن تذهب إلى مصلى العيد من طريق وترجع من طريق آخر لفعل النبي - صلى الله عليه وسلم - .

التهنئة بالعيد:
لثبوت ذلك عن صحابة رسول الله - صلى الله عليه وسلم - 

ولنحذر من:

* التكبير الجماعي بصوت واحد، أو الترديد خلف شخص يقول التكبير.

* اللهو أيام العيد بالمحرمات كسماع الأغاني، ومشاهدة الأفلام، واختلاط الرجال بالنساء اللاتي لسن من المحارم، وغير ذلك من المنكرات.

* أخذ شيء من الشعر أو تقليم الأظافر قبل أن يضحي من أراد الأضحية لنهي النبي - صلى الله عليه وسلم - عن ذلك.

* الإسراف والتبذير بما لا طائل تحته، ولا مصلحة فيه، ولا فائدة منه لقول الله - تعالى -:((ولا تسرفوا إنه لا يحب المسرفين)) الأنعام: 141.

خلصت التحضيرات وجهزت المجلس بتاعنا ودخلت انام

قمت ع الساعه  عشره كدا ماما يلا اصحي عش نلحق نعمل الاكل

اماه صحت وبابا صحه ونزل ابي يشتري حاجات كانت ناقصه فالبيت واماه استلمت الفون

عشان تطمن ع صاحباتها اللي ازواجهم ربنا رزقهم ووهبهم زيارة بيته الحرام

وكان الحوار كالاتي:

اماه : الو السلام عليكم

خالتو: وعليكم السلام

ازيك يا ام زينب والله كنت فبالي 

اماه : ربنا يخليك يا حبيبتي

اخبارك واخبارالعيال ايه

والله على بالي اشوفك

متيجي مع ((ايه)) بنتها اللي المفروض كانت تيجي

تفطري معانا زينب والبنات بره وانا وانت والصبيان ((الصغار))جوه فالاوضه

خالتو: ازاي بس يا حبيبتي دا ابرار ((بنت تانيه المفروض انها زهره وكانت هتيجي برده))

اتصلت بايه وباقي البنات الصبح وقالتلهم ان الميعاد اتلغى عشان البرد

اماه : طيب ثواني كدا

ونادتني من المطبخ

زينب يا حبيبتي

الميعاد اتلغى امتى؟؟

قلتلها ميعاد ايه؟؟

هو انا كان عندي ميعاد؟؟ اصلا

قالت زينب البنات اللي جاين النهارده

قلتلها لا محدش قالي ان انلغى

خالتو ام مصطفى لسه قايلالي انها جايبه ولادها ع العصر

((قامت حكتلي الحكايه اللي فوق))

وانا فطست من الضحك ساعتها

قلتلها وابرار حاليا بقت المدير وانا النائب

وفصلت ولله الحمد

قامت اماه قالت لخالتو زينب هتشوف اهو بس انت كدا او كدا هتيجي

خالتو: ان شاء الله هاجي 

وانتهت المكالمه

انا اتصلت ع المدير ابرار

قلتلها حبيبي مين قالك الميعاد اتلغى؟؟ واتصلي ع البنات؟؟

قالتلي ماما كلمت خالتو وخالتو قالتلها مفيش معاد عشان الجو برد

قلتلها طيب ماشي يا عمري

كل سنه وانت طيبه

وقفلت

وطلعت بره قلت لامي راحت بسرعه عزمت العائله الكريمه

وصحباتها اللي اززواجهم مسافرين

وسبحان الله جم

وانا بجلالة قدري

لقيت الباب بيخبط

الله اكبر خمسة عشر قمرايه ع الباب!!

بالاضافه الى من اتانا

قلت الله اكبر

رحبت ودخلتهم

ولبست هدومي وطلعتلهم

اماه حبيبتي كانت فالمطبخ ولا سمعت زعيق جامد

في ايه يا امي؟؟

الزيت المغلي حرقها

اووووف  منظر الجرح كان صعب

ابهامها لزق فالسبابه

وكان صعب جدا

فقلتلها البسي وكلمت ابي عشان يجي يوديها المستوصف

وهي ربنا يكرمها

تقولي لا انا هكمل عمايل الاكل واروح

بعد المغرب

المهم صاحباتها ربنا يكرمهم عملوا باقي الاكل وهي راحت المشفى

انا قلت يلا نبدأ ورحت للبنات

بدأنا مع بعض واول قعدتنا

اتعرفنا كوووولنا ع بعض

وبدأنا نتكلم ونقول بنعمل ايه ايام العيد

وبقينا بنتكلم ونضحك ونقول المميز عندنا يوم العيد

وكان من ضمن الاراء

رغد : مميز عندها  ان ليها اخوات  كبار فالجامعه فمصر بتقعد تتكلم معاهم ع النت بعد الصلاة

مريم: مميز عندها انها بتتجمع ع الاكل مع عمتها

ودا نادر عندنا احنا كمغتربين ان يكون في حد من العائله نقدر ناكل ونخرج معاه

منه وشروق وشهد ورنا: اللي المفروض هما بنات خالتي بس من بعيد ومكنتش اعرف غير يوميها من ابي

مميز عندهمانهم بيفضلوا طول النهار يلعبوا مع الجيران فالشارع بالعجل

ودا نادر لما تلاقي عيال بتلعب فالشارع عندنا فالكويت انا نفسي بحب العب فالشارع بس خلاص راحت عليه

اما جهاد ومنه : مميز انهم بيزورونا فالبيت وبيلعبوا مع اخواتي الصغار وبيدايقوني ودا راي انا اتفاجئت بيه

جهاد وعلياء والاء ونور : اخواتي مميز عندهم انهم بيكلموا عمي احمد وعياله في فرنسا وكمان اعمامي اللي فمصر

وكمان عرفت انهم بيسطوا عليه يوم العيد وياخدوا تلت ارباع عديتي انا واختي  من غير ما نعرف ودا اعتبروه مميز

عندهم

قالت سلسبيل ووفاء: مميز عندنا اننا بنزين البيت بزينة زي زينة مصر ودا بيخلينا نحن لمصر ونفتكرها

دي كانت عينات من الاراء اللي سمعتها

بعد كدا جه وقت الجد شويه والرغي الكتير بس محبيتش اتكلم كتير فاختصرت النقاط اللي اتكلمت فيها فوق لحد كبير

بعدها كان باقي ربع ساعه عن اذان المغرب

فجبتلهم سلم وابتدينا نزين المجلس بتاعنا بس مرضيتش اساعدهم وخليتهم يزينوا لوحدهم

ودي صور ليهم

وبعد كدا

اصحاب ابي جم عشان الافطار 

ودخلنا جوه الغرفه تاعت النوم

بس بسررررعه كنا بنجري

عشان المغرب خلاص هيأذن

دخلنا وقعدتهم بس مكنتش مخططه اننا نقعد ناكل مع اصحاب امي

بس خير كانت قعده حلوه بس انا كنت جعااااااااانه

ودي صور القمرات وهما بياكلوا

رنا بقه احلى حاجه فيها انها مكسوووووووفه ع طول

ودول ضيوف الشرف اصغر الموجودين

والاخت دي اتضح انها عامله رجيم

مرضتش تكمل اكلها

سألتها ليه؟؟

قالتي اصلي عامله رجيم كنت عايزه اموت نفسي ساعتها

بعد الاكل كان في حاجه هما بيحبوها قوي

قوي

كانت الورشه

انا كنت محضره فالمجلس طاولتين وعامله حسابي

بس الفبركه اللي حصلت خلتني ادخل كل حاجه تاني

لغرفة الدراسه من جديد

فانتقلنا لغرفة اماه ربنا يرضالي عنها ويشافيها ان شاء الله

واتقسمنا لجروبين

جروب برئاسة رغد والتاني برئاسة مريم

وابتدوا يشتغلوا وكانوا مبدعين الحقيقه

وادي صورهم

مجموعة رغد كانوا بيخططوا هيعملوا ايه ع ورقه خارجيه

لكن لما كنت بصورهم حسيتهم اتوهجوا فمرضيتش اصور اكتر من دي

والنهاية كانت جميييييييييله

ودي اخر صوره للوحاتهم

دي مجموعة رغد

وع فكره البيت المرسوم مرسوم من اعواد خشب

مش الوان

وسمينا العروسه دي ايه ع اسم صاحبتي

وسمينا دي نهى ع اسم صاحبتي التانيه

ودا ابداع مجموعة مريم

العيد كان يوم ممطر والحقيقه

ان يوم عرفه كان عيدي لاني انبسطت جدا لما

شفتهم مبسوطين

واستنوني ف يوم تاني من ايام زهراوات فجر الدين